మెగా అభిమానులకు ఈ రోజు పండుగ లాంటిది. ఎందుకంటే ఆగస్టు 22న మెగాస్టార్ చిరంజీవి పుట్టినరోజు. తెలుగు రాష్ట్రాల వ్యాప్తంగా మెగా అభిమానులు చిరంజీవి పుట్టినరోజు వేడుకలు జరుపుకుంటున్నారు. ఎప్పటిలాగే మెగాస్టార్ పుట్టినరోజును అభిమానులు ఘనంగా జరుపుకుంటున్నారు. తెలుగు ఇండస్ట్రీలో చిరంజీవి నెంబర్ వన్ హీరోగా ఎదిగాడు. ఇండస్ట్రీ హీరోల కొడుకులు వారసులుగా వచ్చినా.. వారిని అధిగమించి అగ్రస్థానంలో నిలిచారు చిరంజీవి. దాదాపు 30 ఏళ్లుగా చిరంజీవి తెలుగులో టాప్ హీరోగా కొనసాగుతున్నారంటే ఆయన స్టామినా ఏంటో అర్థం చేసుకోవచ్చు. ఒకప్పుడు దేశంలోనే అత్యధిక పారితోషికం తీసుకునే నటుడు చిరంజీవి చరిత్ర సృష్టించారు. ఈ చిరంజీవి పుట్టినరోజు సందర్భంగా సూపర్ హిట్ చిత్రం ‘ఇంద్ర’ రీ-రిలీజ్ అయింది. మరోవైపు మెగాస్టార్ పుట్టినప్పటి నుంచి పలువురు సినీ ప్రముఖులు సోషల్ మీడియాలో పుట్టినరోజు శుభాకాంక్షలు తెలియజేస్తున్నారు. నటుడు అల్లు అర్జున్ కూడా మెగాస్టార్ చిరంజీవికి పుట్టినరోజు శుభాకాంక్షలు తెలిపారు. అల్లు అర్జున్ ట్విట్టర్‌లో స్పందిస్తూ.. మన మెగాస్టార్ చిరంజీవికి పుట్టినరోజు శుభాకాంక్షలు తెలిపారు.
అయితే చిరంజీవికి చాలా సింపుల్ గా పుట్టినరోజు శుభాకాంక్షలుచెప్పడం పై మెగా అభిమానులు ట్రోలింగ్స్ వ్యక్తం చేస్తున్నారు. కాగా, మారుతీ నగర్ సుబ్రమణ్యం ప్రీ రిలీజ్ ఈవెంట్‌కు అల్లు అర్జున్ ముఖ్య అతిథిగా హాజరయ్యారు. ఈ నేపథ్యంలో అల్లు అర్జున్ చేసిన వ్యాఖ్యలు వివాదాస్పదమయ్యాయి.
బన్నీ మాట్లాడుతూ.. ‘నా ప్రియమైన అభిమానులారా.. మీరే నా ఆర్మీ, నా అభిమానులంటే నాకు పిచ్చి. హీరోని చూసి చాలా మంది ఫ్యాన్స్ అవుతారు కానీ నేను మాత్రం ఫ్యాన్స్ ని చూసి హీరో అయ్యాను. నా నుంచి కొత్త సినిమా వచ్చి మూడేళ్లు గడిచినా నాపై మీ ప్రేమ ఎప్పటికీ తగ్గలేదు. నన్ను ప్రేమించే వారికి అండగా నిలబడటానికి, మనం ప్రేమించే వ్యక్తుల కోసం ఎంతకైనా తెగిస్తాం.. అది మీ అందరికీ తెలుసునని వ్యాఖ్యానించారు. మెగా ఫ్యామిలీని ఉద్దేశించి అల్లు అర్జున్ ఈ వ్యాఖ్య చేశాడని భావిస్తున్నారు.
