నందమూరి ఫ్యామిలీ నుంచి టాలీవుడ్‌లోకి మరో హీరో ఎంట్రీ ఇప్పుడు అఫీషియల్‌గా మారింది. బాలయ్య అభిమానులు ఎప్పుడెప్పుడా అని ఎదురుచూస్తున్న మోక్షజ్ఞ రాక అధికారికంగా ఖరారైంది. నందమూరి మోక్షజ్ఞ మొదటి నుంచి అనుకున్నట్టుగానే ప్రశాంత్ వర్మతో తన తొలి సినిమా చేయనున్నాడు. మోక్షజ్ఞ ఇప్పుడు ప్రశాంత్ వర్మ ప్రపంచంలో సూపర్ హీరో అవుతాడు. ఓ డెబ్యూ హీరోకి ఇలాంటి స్క్రిప్ట్ రావడం అంటే చిన్న విషయం కాదు. ఈ విషయంలో బాలయ్య అభిమానులు రెట్టింపు ఆనందంలో ఉన్నారు. మోక్షజ్ఞ ఇంతకంటే మంచి ఎంట్రీ దొరకదని గ్లోబల్ స్టార్ ఎన్టీఆర్ కూడా స్పందించారు. తమ్ముడి రాకపై భావోద్వేగానికి గురయ్యాడు.
సాధారణంగా ఎన్టీఆర్‌కు తన కుటుంబంతో ఎక్కువ ఎమోషన్స్, బంధాలు ఉంటాయని మన అందరికి తెలిసిందే. అతను ముఖ్యంగా తన సోదరులతో సన్నిహితంగా ఉంటాడు. తారక్ అంటే మోక్షజ్ఞ అంటే ప్రత్యేక అభిమానం కూడా ఇది అందరికీ తెలిసిందే. ముఖ్యంగా మోక్షజ్ఞ-ఎన్టీఆర్ ఇద్దరు ఎంతో ఆప్యాయత ఉంటారు . వీరిద్దరి మధ్య ఉన్న అనుబంధాన్ని మరోసారి అభిమానులకు వెల్లడించారు. నందమూరి ఫ్యామిలీ నుంచి మరో యువ హీరో టాలీవుడ్‌లో చేరుతున్న సందర్భంగా మోక్షజ్ఞకు ఎన్టీఆర్ శుభాకాంక్షలు మరియు ఆశీస్సులు అందించారు. దీనిపై సోషల్ మీడియాలో పోస్ట్ కూడా చేశాడు. సినిమా తొలి సన్నివేశాన్ని పంచుకుంటూ స్పందించింది. ఆ మాటలను బట్టి తారక్ కాస్త ఎమోషనల్ అయ్యాడని తెలుస్తుంది.
Congratulations on your debut into the world of cinema!
May all the divine forces along with Thatha garu, shower blessings upon you as you begin a new chapter in your life!Happy birthday Mokshu @MokshNandamuri pic.twitter.com/5LOBVLn862
— Jr NTR (@tarak9999) September 6, 2024
ఎన్టీఆర్ తన పోస్ట్‌లో మోక్షజ్ఞకు శుభాకాంక్షలు తెలిపాడు. సినిమా ప్రపంచంలోకి అడుగుపెడుతునందుకు నీకు శుభాకాంక్షలు. నీ జీవితంలో కొత్త అధ్యాయాన్ని ప్రారంభించినప్పుడు, తాత గారి యొక్క ఆశీర్వాదంతో సహా అన్ని దైవిక శక్తులు నీ వెంట ఉండాలి. “హ్యాపీ బర్త్ డే మోక్షు” అంటూ తారక్ అన్న మాటల్లో, తారక్ అభిమానుల్లో ఆనందం వెల్లివిరిసింది.
ఇక మోక్షజ్ఞ సినిమా విషయానికి వస్తే.. ప్రశాంత్ వర్మ కాన్సెప్ట్ టేకింగ్ తెలుగు ప్రేక్షకులకే కాదు.. పాన్ ఇండియా స్థాయిలో సినీ అభిమానులకు ప్రత్యేకంగా చెప్పాల్సిన పనిలేదు. తన ఆలోచనలను వెండితెరపై చూపిస్తాడు. సొంత సినిమాల ప్రపంచంలోకి మోక్షజ్ఞ ఎంట్రీ అంటే… అది ఒక్క సినిమాతో అయిపోదు. ఇక ఈ సినిమాకు సంబంధించి విడుదల చేసిన ఫస్ట్ లుక్ ను పరిశీలిస్తే.. మోక్షజ్ఞ చాలా స్టైలిష్ లుక్ లో ఉంది. స్టైలిష్ సూపర్ హీరో అని అర్థం. నందమూరి అభిమానులకు ఇంతకంటే ఏం కావాలి? మరి.. మోక్షజ్ఞ ఎంట్రీపై ఎన్టీఆర్ ఎమోషనల్ రియాక్షన్ పై మీ అభిప్రాయాలను కామెంట్స్ రూపంలో పంచుకోండి.
